Willi Ostermann: Kinddauf-Fäss unger Krahnebäume

Willi Ostermann (1876-1936) war ein deutscher Komponist, Schlager- und Krätzchensänger.

Liedtext

Es mer op en Kinddauf enjelade,
dat kann nix schade, do jeit mer hin;
denn vun Hätze kann mer sich vermaache,
et jitt zo laache un vill zo sin.

|: So'n Fest es edel, em richtije Veedel,
de janze Naach, do jeit et trallala lala :|

Mein Empfang war allerdings kein feiner,
tireck reef einer: "Komm, drink ens met!"
En der Weeg dat Kind drunk och en Dröppche,
dar Wasserköppche Jeseechter schnett.

|: För Freud dät danze die Ahl vum Janze
un sung so'n bischen trallala lala! :|

Dat Kunzät, dat jing no jetz vunstatte,
zwei Mann, die hatte 'ne Kamm jepack.
Einer spillten dann om Quätschenbüggel;
dat Klein mem Nüggel, dat schloch d'r Tack.

|: Un dann dä Pitter, dä spillten Zither,
su e bischen trallala lala :|

Weil no zwei jetz vun dä Musikante
kein Musik kannte, du ahnst es nich,
fing sich alles an zo expliziere
un wie die Diere, do hatten sich

|: jetz met de Flosse die Fessjenosse
janz öntlich trallala lala :|

Einer wor dä andre dorch am bläue;
mer hoot nor schreie: "Et Kind es fott!"
"Hölp," die Mutter reef, "wo es mi Klümpche,
wo es mi Stümpche, do leever Jott!"

|: Do loch et Jretche em Naakskommödche
un wor am trallala lala :|

Kinddäuf fiere soll mer nit versäume
en Kranebäume - et es zo nett.
Han se sich des Ovends och am Krage
dun sich zerschlage do öm de Wett.

|: In diesem Falle sind nachher alle
ein bisschen trallala lala :|

Melodie (Midi, Mp3 und/oder Video)

Noten

Kostenlose Notenblätter